बेलौरी र धनगढीमा अविरल वर्षा : डुबान र बाढीको उच्च जोखिम
कञ्चनपुरको बेलौरी क्षेत्रमा पछिल्ला २४ घण्टामा २६७ मिलिमिटर वर्षा र कैलालीस्थित धनगढी विमानस्थल वरपर २०२.२ मिलिमिटर वर्षा भएको जल तथा मौसम विज्ञान विभागले जानकारी गराएको छ।
विभागका अनुसार लगातारको भारी वर्षाका कारण क्षेत्रका नदी नाला र खोलाहरूमा पानीको बहाव उच्च हुने सम्भावना रहेको छ। यसले बाढी र डुबानको खतरा बढाएको विभागले जनाएको छ।
विभागले स्थानीय बासिन्दा, किसान तथा यात्रीहरूलाई सतर्क रहन र आवश्यक सुरक्षात्मक उपायहरू अपनाउन अनुरोध गरेको छ। साथै, जोखिम क्षेत्रमा यात्रा नगर्न र बालबालिका तथा वृद्धवृद्धाको सुरक्षामा विशेष ध्यान दिन पनि आग्रह गरिएको छ।
बेलौरी क्षेत्रमा बाढीको सम्भावना
लगातारको वर्षाले गाउँघर र खेतबालीमा पनि असर पुर्याउने सम्भावना रहेकोले कृषकहरूले फसल सुरक्षामा ध्यान दिनु पर्ने विभागले उल्लेख गरेको छ।
सडक तथा आवागमन प्रभावित हुन सक्ने भएकाले सम्बन्धित निकायहरूलाई पूर्वतयारी अवस्थामा रहन भनिएको छ। जल तथा मौसम विज्ञान विभागले आवश्यक परे थप सूचना सार्वजनिक गर्ने जनाएको छ।
सम्बन्धित खवर
